Njerëzit që besojnë në energji dhe spiritualitet e dinë se ç’fuqi mbartin kristalet. Për ju që nuk ia keni idenë të ekzistencës së tyre, mos u shqetësoni, ne jemi këtu për t’ju ndihmuar të kuptoni pak më shumë rreth tyre. Që në periudhën e antikitetit, njerëzit kanë mësuar se duke përdorur hajmali mund të kuronin sëmundje dhe mund të ndikonin në fatin e tyre. Këtë e kemi parë në kultura të ndryshme nga e gjithë bota të cilat flasin për vetitë e këtyre kristaleve të jashtëzakonshme mbi shëndet, fat, mbajtjen larg të energjisë negative dhe gjetjen e dashurisë. Këta gurë të konsideruar si gurë me fuqi magjike, janë një mjet i fuqishëm energjetik që mund të ndikojë në mirëqenien fizike dhe shpirtërore të atij që i përdor.

 

Zakonisht rekomandohet që kristalet të mbahen si zbukurim në hapësirën tuaj personale në shtëpi, makinë, çantë ose në kontakt të drejtpërdrejtë me trupin tuaj. Në bazë të kësaj afërsie ta supozohet të bëjnë ndërveprojnë me fushën tuaj të energjisë në mënyra të ndryshme, por ndikimi i tyre ndryshon në varësi të kristalit që zgjidhni të përdorni.

 

Në vijim do t’ju tregojmë 3 kristale që mund t’ju ndihmojnë të keni fat në dashuri:

Kuartzi rozë

I konsideruar si një ndër gurët më të bukur, ai u këshillohet zakonisht romantikëve që mezi presin të gjejnë shpirtin e tyre binjak. Thuhet se ky lloj kuartzi afron dashurinë dhe ndjesinë e paqes e harmonisë brenda jush duke çliruar energjinë negative. Ai është gjithashtu guri i faljes, përulësisë dhe durimit pasi ju mëson sesi të hapni zemrën dhe të tregohemi më të butë. Edhe nëse e keni humbur njëherë dashurinë, kuartzi do t’ju ndihmojë në shërimin e plagëve të vjetra dhe do t’ju bëjë të keni më shumë besim në vete. Ky gur rekomandohet të mbahet në formën e një byzylyku ose varëseje.

 

Guri i hënës

Mitet e lashta thonë se këta gurë janë të përbërë nga rrezet hënore. Ai konsiderohet një gur i shenjtë dhe zakonisht indianët e mbajnë poshtë jastëkut përpara se të flenë. Ai i ndihmon njerëzit të bëjnë një gjumë të qetë dhe afron dashurinë. Guri i hënës ka fuqinë për të ngjallë pasionin dhe thuhet se ka aftësi profetike duke i ndihmuar të dashuruarit të shohin të ardhmen e tyre. Ky gur ndihmon gjithashtu në qetësimin e ankthit dhe stresit.

 

Rubini

Ky gur i çmuar thuhet se ka ndikim në jetën tuaj romanike por dhe në dashurinë që keni për vetën. Ai sjell vitalitet, besim në vete, qëndrueshmëri dhe lumturi. Rubini gjithashtu forcon shëndetin fizik dhe emocional të zemrës dhe i sjell guxim atij që e përdor.

Leave a Reply

Your email address will not be published. Required fields are marked *