Donald Trump tallet me Taylor Swift pas sulmeve në Super Bowl
Taylor Swift ishte një nga personazhet e famshëm që u shfaq në Caesars Superdome në New Orleans për të mbështetur të dashurin e saj, Travis Kelce , në Super Bowl midis Kansas City Chiefs dhe Philadelphia Eagles. Gjatë ndeshjes, kamera e ka kapur duke festuar nga vendet VIP, por reagimi i publikut nuk ka qenë edhe aq pozitiv.
Në fakt, kur imazhi i saj u projektua në ekranet gjigante të stadiumit, një pjesë e publikut e kundërshtoi ashpër atë.
Siç pritej, sulmet ndezën menjëherë debat, me disa që ia atribuonin ato rivalitetit të tifozëve – veçanërisht mes atyre që mbështesin Shqiponjat e Filadelfias. Megjithatë, kishte edhe nga ata që i lidhën zhurmat me qëndrimin politik të Swift-it, e cila ka shprehur hapur mbështetjen e saj për demokratët. Në zgjedhjet e vitit 2020, ajo qëndroi kundër Donald Trump, ndërsa në 2024, ajo mbështeti publikisht Kamala Harris.
Donald Trump, i cili ishte edhe në finalen e Super Bowl, nuk humbi rastin për të tallur këngëtaren përmes platformës Truth Social.
Në postimin e tij, ai tha se Taylor Swift “kaloi një natë të tmerrshme” dhe bëri kritika të ashpra ndaj bindjeve të saj politike, duke shkruar se lëvizja MAGA (Make America Great Again) “nuk fal”.
View this post on Instagram
Marrëdhënia e Swift me politikën është bërë vazhdimisht temë diskutimi në SHBA, me republikanët që e kritikojnë atë për ndikimin që ushtron te fansat e saj. Edhe pse vetë ajo shmangu qëndrimin politik prej vitesh, që nga viti 2018 ajo është aktivizuar intensivisht, duke mbështetur hapur kandidatët demokratë.
