Ndërsa gara brenda partive për të zgjedhur kandidatë që do të garojnë për postin e presidentit të SHBA-së gjatë nëntorit vijon, Donald Trump favoriti kryesor në radhët e republikanëve ka sulmuar sërish besimin islam, duke thënë se ka pak dalim mes tij dhe terrorizmit islamik. Gjatë një interviste për CNN, Trump theksoi se besimtarët muslimanë urrejnë Shtetet e Bashkuara të Amerikës.

“Unë jam i mendimit se islamikët na urrejnë ne. Lufta jonë është kundër pjesës radikale, ndonëse është shumë e vështirë për t’u përcaktuar, pasi t’i nuk e di se më kë ke të bësh. I takon medias të zbulojë. Por dhe ne duhet te jemi shumë vigjilent, duhet të jemi të kujdesshëm dhe të mos lejojmë persona qe e urrejnë këtë shtet, të vijnë dhe të jetojnë këtu”.

Kjo nuk është hera e parë që biznesmeni Trump, kandidati deri tani më i votuar në radhët e republikanëve lëshon deklarata të tillë kundër këtij besimi. Në dhjetor të vitit të kaluar Trump bëri thirrje për një ndalim të përkohshëm për besimtaret musliman. Ndërkohë në kampin tjetër, sekretarja amerikane Hillari Klinton spikati në diskutimin e saj kundër rivalit më të fortë senatorit Sanders sa i takon çështjes se emigranteve. Ajo tha se do te vijoje te mbështesë planin Obama, qe Sanders e ka kundërshtuar qe ne fillimet e tij.

 

 

 

Leave a Reply

Your email address will not be published.