Presidenti amerikan Donald Trump ka marrë një goditje të fortë pasi komisioni hetimor në Dhomën e Përfaqësuesve e deklaroi atë fajtor.
Në raportin 300 faqësh thuhet se presidenti republikan ka penguar hetimin dhe ka shfrytëzuar kompetencat duke kërkuar ndërhyrje nga një qeveri e huaj për zgjedhjet e vitit 2020.
Hetimet për shkarkimin e presidentit Trump nisën zyrtarisht në shtator, pak muaj pas telefonatës së tij me homologun ukrainas Volodimir Zelenski. Tashmë pritet votimi i raportit voluminoz.
Më pas çështja do t’i kalojë komisionit juridik të dhomës së përfaqësuesve e cila nëse do te miratoje dokumentin për shkarkimin e presidentit, çështja do t’i kalojë për gjykim senatit. Per shkarkimin e shefit te shtepise se bardhe nevojiten votat e dy të tretës së të pranishmeve.
Trump ka mohuar të ketë shkelur ligjin dhe ka akuzuar demokratët se i kanë përdorur hetimet për të përmbysur rezultatin e zgjedhjeve të vitit 2016.
Në seancat që u zhvilluan në kuadër të hetimit u dëgjuan dëshmi nga zyrtarë aktualë dhe ish-zyrtarë . Sipas tyre ndihma ushtarake ndaj Ukrainës u pezullua dhe një takim në Shtëpinë e Bardhë i Presidentit të Ukrainës Volodymyr Zelenskiy ishte kushtëzuar me nisjen e hetimeve nga Kievi.