Kandidati republikan Donad Trump sfidon rivalin më të fortë të tij Ted Kruz në një garë ballë për ballë, ndërsa i bën thirrje dy kandidatëve të tjerë të dorëhiqen nga gara. Si trump ashtu dhe Kruz fituan nga dy shtete secili në votimin e të shtunës. Biznesmeni i njohur fitoi në Luiziana dhe Kentaki, ndërsa Kruz në Mein e Kansas. Në total Trump ka siguruar fitoren në radhët e republikanëve në 12 shtete me 378 delegatë, ndërsa Kruz ndodhet pas tij me gjashtë shtete të fituara me gjithsej 295 delegatë. Mendoj se ka ardhur kohë për një përballje vetëm për vetëm me Ted Kruz, ndërsa kandidatë e tjerë duhet të tërhiqen tha Donld Trump,  gjatë fjalimit të tij në Kentatki. Ndërkohë, në kampin tjetër te demokrateve ku është votuar gjithsej në tre shtete, ish-sekretarja amerikane e shtetit Hillari Klinton ka arritur një fitore të madhe në Luiziane, ndërsa senatori Berni Sender, rivali më i fortë i saj ka triumfuar në Kansas dhe Nebraska. Megjithatë fitorja në Luiziana i jep Klintonit më shumë delegatë sesa përfiton Sanders nga këto dy shtete. Në total kandidatja demokrate Klinton, e cila synon të bëhet presidentja e parë femër e Shteteve të Bashkuara të Amerikës, mban kryesimin me 11 shtet në total të fituara kundrejt 7 të marra nga senatori Sanders. Zgjedhjet presidenciale ne SHBA pas përfundimit të mandatit të Obames mbahen në nëntor të këtij viti.

 

 

Leave a Reply

Your email address will not be published.