Ky është momenti kur një punonjës në një pikë Exchange kupton se dollarët e dhëna nga Viard Kotori janë fallco dhe tenton të lajmërojë autoritetet. I riu, i cili më pas është arrestuar nga policia, u mundua të mashtrojë të renë duke thënë se dollarët ishin marrë në bankë.
Por duke parë se shitësja e kuptoi mashtrimin, ai doli nga dyqani dhe u largua me shpejtësi.
Por më pas Viard Kotori është arrestuar nga policia. Uniformat blu kanë vënë në pranga edhe bashkëpunëtorët e tij Etmond Dokushi dhe Ervin Kamolli.
Arrestimi i tyre u bë pas një hetimi disa javor: ndërsa ndaj tyre rëndon akuza e “Falsifikimit të monedhave”, kryer në bashkëpunim. Në total janë sekuestruar 3650 dollarë.
Tre të arrestuarit lëviznin bashkë me një automjet, i cili është sekuestruar gjithashtu nga policia.
Sipas hetuesve tre të rinjtë kanë mashtruar me para fallco disa persona në Tiranë, Korçë, Lezhë dhe Elbasan.
