3 vjet pas largimit nga skena politike, ish-ministri i Drejtësisë Eduard Halimi kthehet në Partinë Demokratike.
Në datën 3 mars, mëson “Vizion Plus”, kryetari Basha e ka emëruar Halimin në postin e koordinatorit të posaçëm politik për zgjedhjet e 25 prillit.
Ish-ministri i Drejtësisë do të ketë në fokus të punës së tij të gjithë problematikën e fushatës elektorale dhe procesit zgjedhor.
Eduard Halimi u zgjodh deputet në Berat në zgjedhjet e vitit 2017, por pak muaj më vonë në shkurtin e 2018 ai dorëzoi mandatin duke deklaruar tërheqjen nga jeta politike.