Kreu i Partisë Demokratike, Lulzim Basha, në konferencën me gazetarët, u pyet nëse do ta lejojë Berishën të hyjë në selinë e PD.
Në përgjigjen e dhënë, ai nënvizoi se ish-kryeministri mund të qëndrojë sa herë të dojë në shkallët e selisë, por nuk ka asnjë funksion në parti sepse është i përjashtuar.
“Berisha është përjashtuar si anëtar i grupit parlamentar dhe nga këshilli i PD, rrugët e Berishës me organet drejtuese të PD janë ndarë. Sa herë hip e zbret shkallët Berisha nga selia është punë e tij. Berisha mund t’i hipë dhe zbresë shkallëve, ai mund të krijojë celula dhe organizata me orientim antiamerikan, por ai nuk do të jetë më pjesë e organeve drejtuese. Është i përjashtuar. Deri tani sjellja e tij është qesharake”, tha Basha.