Ministri i Mbrojtjes Pirro Vengu, u shpreh se buxheti i këtij viti synon rritjen e pagave, rritje e gatishmërisë operacionale dhe garantimin e sovranitetit të vendit, si një vend anëtar i NATO-s.
Në një konferencë për mediat, Vëngu theksoi se buxheti në krahasim me një vit më parë është rritur me 12 për qind.
Ministri Vengu se fokusi është rritja e investimeve dhe rritja e pagave, duke e kthyer Forcat e Armatosura në një shembull model të shoqërisë.
“Armiku modern, nuk vjen vetëm ne tanke, vjen me algoritme, vjen me helm kibernetik. Buxheti 2026, nuk është buxhet rutinë, por është mekanizëm për të zhvilluar industrinë, për të forcuar sovranitetin digjitale dhe për të garantuar Shqipërinë si një vend anëtar i NATO.
Është buxhet i sovranitetit. kemi një rritje me 12% krahasuar me një vit më parë. Do rrisim pagat, me qëllim që deri në 2029 të kemi mesataren e vendeve anëtare të NATO. Do rrisim forcat aktive. Ka shumë aplikime për vitin e ri akademik.
Kemi nisur me rikthimin e ushtarakëve, që janë larguar në të kaluarën.
FA është forcë që tërheq gjithnjë e më shumë,. Kemi rritje të gatishmërisë operacioneve. Nga buxheti janë 50% investime dhe jo shpenzime. Investimet janë parashikuar në gatishmërisë operacionale, në infrastrukturë kritike etj.“, tha ai.
Ministri i Mbrojtjes më tej theksoi:
“Gjithë këto muaj të fundit, aktualiteti në të cilin jetojmë dikton qartë se mbrojtja dhe siguria nuk janë më koncepte abstrakte as tema të nivelit të dytë, janë kthyer në tema të një rëndësie parësore. Janë rikthyer në thelbin e sovranitetit dhe dinjitetit të një kombi. Zhvillimet gjeopolitike, tensionet rajonale, kërcënimet hibride dëshmojnë cdo ditë se paqja dhe stabiliteti, kërkojnë investime të përditshme.
Dinamikat ndërkombëtare nuk premtojnë më paqe të qëndrushme por përballje të menaxhuar mes fuqive të mëdha. E përmdend këtë se Europa juglindore, është një teatër dytësor për narrative, influencë dhe ndërhyrje hibride. Ballkani mund të mos jetë fushë betejë tankesh por është fushë betejë perceptimesh, influencash nga palë të treta.
Në këtë realitet pyetja është nëse aleancat, do të jenë të mjaftueshme për të vënë Shqipërinë në një pozitë më të fortë. Sa më e përcarë të jetë shoqëria aq më fertil është terreni për dezinformim. Armiku modern nuk vjen vetëm me tanke, vjen me helm infomativ. Ndaj mbrojtja civile, kibernetike, janë pjesë e sigurisë kombëtare dhe në këtë kontekst Shqipëria ndëron sot politikën e saj të mbrojtjes”./vizionplus.tv
