Detaje të reja janë zbardhur nga aktiviteti i priftit trafikant në Greqi.
Edhe pse 46-vjeçari ishte shkarkuar nga Kisha e Greqisë, ai vazhdonte ta paraqiste veten herë si prift dhe herë si “Kryepeshkopi i Kalendaristëve të Vjetër”.
Duke folur për MEGA-n, një banor i zonës ku shërbente “prifti”, tha se 46-vjeçari mashtronte qytetarët, duke iu thënë që do u prishte magjinë dhe do i shëronte nga kanceri.
“Që në fillim, na “beu në sy”, si e morën një hapësirë dhe e shndërruan në kishë? Ata shisnin gjëra që zakonisht shesin manastiret. Pashë që prifti ishte model, pastaj u bë kuzhinier. Ata gatuanin këtu, priftërinjtë blinin patate nga tregu lokal, ai kishte disa njerëz që shpërndanin kartolina për festat dhe ndihmonin. Në shkurt, ata kishin festime, ishte një rrëmujë gjërash, ata zunë hapësirën, bënin procesione. Në një moment i ndaluan të kryenin sakramentet, sepse konsideronin se sakramentet nuk janë të vlefshme. Në komunikimin e parë që pata me të, ai më mallkoi. Sepse i thamë të ulte altoparlantët dhe ai u zemërua. Pasditeve ai thoshte: ‘Eja, më lejo të të thyej magjitë dhe të ndihmoj pacientët me kancer””, tha banori i zonës./vizionplus.tv
