Vlora u trondit nga një vrasje këtë të mërkurë. Viktima Tauland Beqiraj, 31 vjeç, njihej edhe me dy mbiemra të tjerë (Gjikaj dhe Manaj).
Sipas informacioneve, i riu lëvizte i armatosur dhe ju gjet një pistoletë në brez. Burime për “Vizion Plus” thanë se ai ishte djali i një ish-punonjësi policie dhe ishte me precedentë të mëparshëm penalë.
Sipas dëshmitarëve, Beqiraj ka qëndruar për më shumë se 5 minuta i shtrirë pasi u qëllua dhe më pas u mor nga ambulance. Ai ndërroi jetë rrugës për në spital.
Si autor të dyshuar të ngjarjes, policia vuri në pranga Andi Jonuzajn. Por nga ana tjetër, dëshmitarët pretendojnë se në mjet kanë parë edhe tri persona të tjerë.
