Djali i J.Lo: Mami mos i nxirr më shalët
Kur mamaja jote është Jennifer Lopez do të të duhet të përballesh me shumë pyetje dhe një nga këto është edhe: “Pse mami yt zhvishet kaq shumë?”
Me të tilla pyetje përballet Max, djali i këngëtares së njohur.
“E dini çfarë më pyeti një ditë Max?” – ka kujtuar J.Lo në një intervistë për “Build Series”. “Ai më tha: Ma, pse nuk vesh pantallona në koncertet e tua? Duhet të veshësh më shpesh pantallona. Mos i nxirr më shalët”.
Lopez tha se biseda me 9-vjeçarin ndodhi pas koncertit të saj të fundit në Las Vegas, ku këngëtarja u shqua për veshjet e saj mjaft ekstravagante.
“Unë ia ktheva: Oh, shpirt, por mami është një showgirl…” – ishte reagimi i këngëtares së “On The Floor”.
Max është njëri nga binjakët që Jennifer Lopez solli në jetë me këngëtarin latin Marc Anthony.
