Një djalë 8-muajsh dyshohet të jetë i infektuar me koronavirus në Britaninë e Madhe. Për mediat e huaja foli babai i tij, i cili i shqetësuar deklaroi se jeta i është bërë si ferr.
“Djali i ka të gjitha simptomat e koronavirusit. Kam frikë se edhe vajza ime 4-vjeçare është infektuar. Po jetojmë në ferr. Ne po qëndrojmë të izoluar në shtëpi dhe po u japim fëmijëve paracetamol, por asgjë nuk po funksionon.”
Foshnja dhe nëna e tij janë futur në karantinë në shtëpinë e tyre, pasi të dy patën kontakte me një mjek të infektuar me virusin vdekjeprurës.
Koronavirusi ka shkaktuar më shumë se 1 mijë viktima, ndërsa është përhapur me shpejtësi në të gjithë botën. Ministria e Jashtme e Maqedonisë së Veriut ka konfirmuar se një qytetar maqedonas rezulton I infektuar me koronavirus në anijen turistike “Diamond Princess” në portin e Jokohamas në Japoni.
Ndërsa Organizata Botërore e Shëndetësisë dha lajmin e keq këtë të enjte se do të duhet kohë që të përgatitet vaksina kundër koronavirusit.