Presidenti Ilir Meta I ka bërë thirrje të gjithë shqiptarëve që të gjenden pranë kujtdo që ka nevojë për ndihmë e përkujdesje.
Në Ditën Ndërkombëtare të Solidaritetit Njerëzor, Meta në një postim në “Facebook”, duke sjellë porositë e Nënë Terezës shprehet gjithashtu se njerëzit duhet të qëndrojnë pranë njëri-tjetrit edhe në ditë të mira dhe të vështira.
“Sot në Ditën Ndërkombëtare të Solidaritetit Njerëzor, ne kujtojmë porositë e Shenjtores Nënë Tereza, simbolit shqiptar e botëror të humanizmit e solidaritetit, për të qenë pranë pranë njëri-tjetrit, në ditë të mira e në ditë të vështira, në dhimbje dhe në gëzime, pranë kujtdo që ka nevojë për ndihmë e përkujdesje, veçanërisht në krah të fëmijëve e të rinjve, të vetmuarve, njerëzve në nevojë dhe të sëmurëve, për t’u dhënë shpresë dhe besim.”
