Sot është dita e tretë e vaksinimit në stadiumin “Air Albania”.
Ashtu si një ditë më parë, injeksionet po vijojnë t’i marrin epidemiologët e terrenit, si dhe pjesëtarë të tjerë të personelit shëndetësor.
Në dy ditët e para të procesit janë vaksinuar 128 persona, mes të cilëve edhe kryeministri Rama.
Dozat janë të kompanisë “Pfizer / Biontech” të cilat u importuan nga Gjermania e që sipas qeverisë, janë dhuratë e një vendi mik europian.
Ndërkohë brenda pak ditëve pritet edhe mbërritja e një sasie tjetër prej 10 mijë vaksinash.
