Qendra e Tiranës këtë te diele ishte vetëm për këmbësoret. Panaire te prodhimeve bujqësore, aktivitete artistike dhe sportive, janë zhvilluar përreth sheshit “Skenderbej” deri tek Hotel “Dajti”. Krahas ecjes ne këmbe apo me biçikleta, mund te beje edhe shëtitje me kuaj. Ndërsa ne një pjese te sheshit, bashkia prezantonte përmes specialisteve te saj, por dhe virtualisht, projektin e qendrës pedonale. Ashtu si dhe herët e tjera, dita pa makina ka shkaktuar trafik ne rrugët kryesore qe lidhen me qendrën. Por drejtues te bashkisë, deklaruan se me ngrohjen e motit, tashme çdo e diele, do te jete vetëm për këmbësoret. Por ne qershor, bashkia pritet te nise punën per kthimin e qendrës ne zone pedonale. Ndërsa unaza e vogël ka pezulluar punimet, pasi bashkia është ne proces gjyqësor me familjen qe ka ne pronësi ndërtesën e INSIG, pasi ajo nuk pranon vlerën e caktuar nga shteti për kompensim. 2 milion euro akordoi qeveria shqiptare per shpronësimin e ndërtesës dhe prishjen e saj. Ndërkohe gjithë projekti per ndërtimin e Unazës se Vogël, kushton rreth 600 mije euro. Tashme qe punimet kane mbetur pezull, bashkia do te nise fazën e pare te projektit per kthimin e qendrës ne zone pedonale.

Leave a Reply

Your email address will not be published. Required fields are marked *