84 kryetarë shtetesh dhe 44 kryeministra po marrin pjesë në Kombet e Bashkuara ku ka filluar punimet Asambleja e Përgjithshme në Nju Jork.
Këtë të martë mbahet debati i përgjithshëm ku përfaqësuesit e të gjitha vendeve mbajnë fjalime.
Sipas traditës, Brazili është vendi i parë që merr fjalën në asamblenë e përgjithshme të kombeve të bashkuara. Kjo traditë ka filluar në vitin 1947. Më pas është radha e Donald Trump, pasi vendi pritës e merr fjalën i dyti.
Gjithashtu pritet që fjalim të mbajë dhe presidenti turk Rexhep Taip Erdogan, ai francez Emmanuel Macron e shumë të tjerë. Krahas punimeve të asamblesë së përgjithshme udhëheqësit botërorë ndjekin edhe takime për çështje të ndryshme.
Me këtë rast, ata zhvillojnë edhe takime dypalëshe.