Presidenti Ilir Meta u shpreh se duhet të jetë prioritet për të gjithë që të ndihmojnë dhe mbështesin fëmijët autikë dhe familjet e tyre. Në kuadër të Ditës Botërore të Ndërgjegjësimit për Autizmin, Meta tha në “Facebook” se pandemia e COVID-19 ka sjellë edhe më shumë vështirësi për këtë kategori.
“Dita Botërore e Ndërgjegjësimit për Autizmin, na kujton detyrimet institucionale dhe shoqërore, për fëmijët dhe familjet e tyre, të cilët kanë nevojë për solidaritet, ndihmë, përkujdesje dhe dashuri të përhershme. Sot kjo Ditë shënohet në mes të një krize të rëndë shëndetësore dhe ekonomike, për shkak të pandemisë globale COVID-19, që ka sjellë vështirësi të mëdha, veçanërisht për fëmijët me autizëm, të cilët nuk mund të zhvillojnë veprimtaritë dhe aktivitetet aq të domosdoshme për zhvillimin e aftësive të tyre. Mbështetja dhe përkrahja e këtyre fëmijëve, si dhe zgjidhja e problemeve thelbësore që shqetësojnë familjet e tyre, duhet të jetë përparësi.”
Sipas Metës, shoqëria jonë duhet të jetë më e përkushtuar ndaj njerëzve në nevojë.
“Shoqëria jonë ka nevojë për solidaritet, për një Shqipëri të dhembshur dhe humane, për dashurinë, kujdesin dhe përkushtimin ndaj njerëzve më në nevojë! ?? #ËorldAutismAëarenessDay #LightItUpBlue?”
