Rezultati i dobët i Partisë Demokratike në Durrës rrezikon praninë në parlament të kreut të Partisë Agrare Ambientaliste, Agron Duka, i cili ndodhet i pesti në listat e PD-së.
Ndërsa po numërohen kutitë e fundit në këtë qark, kryesisht në qytetin e Krujës, probabilitetit që Duka të jetë në parlament është relativisht i vogël pasi I duhet një diferencë shumë e madhe në raport me votat e marra nga PS në kutitë e fundit për të marrë mandatin e pestë.
Por, përveç mandatit të tij, edhe dy kandidatët e tjerë të PAA-së, në Tiranë dhe Fier, mbeten jashtë kuvendit.
Kështu, Olsi Cuko i renditur i pesti në Fier pasi PD në këtë qark mori vetëm katër mandate ndërsa në qarkun e Tiranës, biznesmeni Fuad Haxhiymeri ishte i renditur i 13, ndërkohë që PD ka siguruar 11 mandate.
Nëse rezultatet mbeten të tilla këto zgjedhje do të ishin një zhgënjim shumë i madh për Agron Dukën i cili negocioi shumë me kreun e PD-së Lulzim Basha për të patur kandidatë në pozicione të favorshme
