6 banesa janë dëmtuar nga tërmeti i 26 nëntorit në zonën e Mokrës, ndërkohë që 2 banesa të tjera janë raportuar të dëmtuara në qytetin e Pogradecit. Kjo është konfirmuar nga grupi i punës i ngritur nga bashkia e Pogradecit të cilët një ditë më parë kanë kryer verifikimin e dëmeve pas raportimeve të banorëve. Sipas burimeve nga bashkia e Pogradecit 6 banesat e ndodhura në njësinë administrative të Proptishtit në zonën e Mokrës kanë qenë banesa të vjetra dhe të amortizuara të cilat janë dëmtuar edhe më shumë nga tërmeti i së martës. Ndërkohë pas raportimit nga banorët për një krisje të një pallati në qytetin e Pogradecit dhe dëmtimin e një banese tjetër, grupi i specialistëve të bashkisë ka arritur në përfundimin se këto dëmtime nuk janë shkaktuar nga tërmeti dhe nuk janë të rrezikshme për jetën e qytetarëve. Këshilltari për mediat dhe publikun pranë bashkisë së Pogradecit, Artin Halili thotë se pas përfundimit të raportit nga ana e grupit të punës do të përcaktohet edhe vlera e dëmeve dhe do të vlerësohet nëse riparimi i këtyre dëmtimeve mund të përballohet nga vetë bashkia apo do të duhet ndihma e qeverisë shqiptare:Tërmeti i 26 nëntorit është ndjerë më tepër në zonën e Mokrës edhe për shkak të afërsisë me epiqendrën e lëkundjeve.

Leave a Reply

Your email address will not be published. Required fields are marked *