Të paktën nëntë persona humben jetën si pasojë e një zjarri në nje spital covid në Rumani.
Të gjithë viktimat ishin në njësinë e terapisë intensive të Spitalit të Konstancës. Autoritetet njoftuan se flakët tashmë ishin fikur dhe të gjithë pacientët e tjere që ishin duke marrë kujdesin shëndetësor janë evakuuar në spitalet rajonale. Gjithsej në spital ishin duke u trajtuar 113 paciente, prej te cilëve 10 ndosheshin në kujdes intensiv.
Familjarët e zemëruar të pacientëve u mblodhën jashtë spitalit në protestë duke akuzuar autoritetet për “paaftësi”.Shkaqet e zjarrit janë ende të paqarta. Drejtoresha e spitalit, pranoi se disa problematika ishin shfaqur në janar në instalimet elektrike por ato ishin korrigjuar.
Ky është zjarri i tretë vdekjeprurës në spitalet COVID në Rumani në më pak se një vit. Në shkurt, një zjarr vrau katër pacientë në Bukuresht, ndfersa nëntorin e kaluar 10 persona të tjerë vdiqën në spitalin e qarkut Piatra Neamt.
Rumania ka shpenzimet më të ulëta për kujdesin shëndetësor në bashkimin evropian.