Digjet nje makine ne Durres, nuk ka te lenduar

Policia e Durrësit njoftoi se mengjesin e kësaj të premteje, rreth orës 02:30, në  lagjen Nr. 11 rruga “ Kumini” , ka rënë zjarr  dhe është djegur automjeti tip Citroen, në pronësi të shtetases V. K.  42 vjeçe,  banuese në këtë qytet.

Menjëherë në vendngjarje kanë shkuar Efektivet e Policisë dhe Forcat Zjarrfikëse, të cilat bënë të mundur fikjen e zjarrit.

Bëhet e ditur se nga zjarri në automjet ka vetëm dëme materiale por jo të lënduar.

Grupi hetimor po punon për përcaktimin e shkakut të zjarrit.