Një banesë është shkrumbuar totalisht nga flakët në fshatin Barbullush në Bashkinë Vau i Dejës.
Ngjarja ka ndodhur pasditen e kësaj të marte rreth orës 17:00. Gjatë momentit të shpërthimit të flakëve asnjë prej familjaërëve nuk ishte në banesë.
Ndërkohë kanë qenë banorët e zonës ata që kanë njoftuar shërbimin zjarrëfikës. Dyshohet se zjarri është shkaktuar si pasojë e një shkëndije elektrike. Nga ana tjetër banorët kanë hedhur akuza në drejtim të zjarrëfikëses pasi ka shkuar me vonesë në vendin e ngjarjes.
Vizion Plus mëson se familja që jetonte në banesë ishte në gjendje të vështirë ekonomike dhe se pas këtij episodi ata po përballen me një tjetër dramë.
