Një automjet, i cili ishte parkuar, është djegur në orët e para të mëngjesit në lagjen “Partizani” në Vlorë.
Policia bën me dije se automjeti tip “Audi” që është në pronësi të shtetases B. T., është shkrumbuar.
Nuk dihet ende nëse zjarri ka ardhur si pasojë e një defekti, apo ka qenë i qëllimshëm.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit.
