Një automjet është përfshirë nga flakët në parkingun e një pallati në rrugën “Dragushaj” të qytetit të Shkodrës. Retë e tymit të përhapura me shpejtësi në zonë krijuan panik tek banorët, ndërsa u desh ndërhyrja e shërbimit zjarrfikës për të bërë shuarjen e flakëve.
Ende nuk dihen shkaqet e zjarrit por dyshimet e para janë për një shkëndije elektrike.
Megjithatë nuk përjashtohet që zjarri të ketë qenë i qëllimshëm dhe për këtë arsye po bëhet kqyrja e kamerave të sigurisë të pallatit dhe bizneseve përreth për të kontrolluar hyrje – daljet në parkingun e pallatit.
Mjeti rezulton në pronësi të një shtetasi italian, i cili është marrë në pyetje nga policia lidhur me këtë ngjarje.
