Një automjet është përfshirë nga flakët në orët e para të mëngjesit në fshatin Bulgarec në Korçë.
Sipas informacioneve paraprake, zjarri ka rënë rreth orës 02:30, ndërkohë që mjeti ishte i parkuar në anë të rrugës, pranë disa banesave.
Forcat zjarrfikëse kanë ndërhyrë menjëherë për shuarjen e flakëve dhe për të parandaluar përhapjen e zjarrit në objektet përreth. Si pasojë, automjeti është djegur plotësisht
Jashtë kamerave, pronari i këtij mjeti thotë se ka përplasur mjetin e tij para 3 ditëve dhe nuk ishte në gjendje pune por gjithë pajisjet ishin të vëna, përfshi baterine nga ky dyshon të ketë nisur flaka
Fatmirësisht, nuk raportohet për persona të lënduar. Grupi hetimor po punon për zbardhjen e shkaqeve të zjarrit dhe për të përcaktuar nëse bëhet fjalë për defekt teknik apo zjarrvënie të qëllimshme.
