Një kompleks në Theth u përfshi nga flakët. “Vizion Plus” mëson se janë djegur tërësisht 3 bujtina dhe 2 bare restorante.
Policia ka mbërritur në vendin e ngjarjes dhe ka nisur hetimet.
Dyshimet janë për zjarrvënje të qëllimshme pasi në atë bujtinë s’ka patur njeri as energji elektrike dhe për më tepër, ka rreth 4-5 metër borë.
Kanë qenë banorët e zonës ata që kanë lajmëruar policinë dhe pronarin e bujtinave pasi kanë parë tymin të dalë nga zona ku është ndërtuar kompleksi turistik.
Pronari i bujtinave u shpreh se është i shokuar nga ajo çka ka ndodhur dhe theksoi se nuk ka probleme me askënd.
