Një shkëndijë elektrike është bërë shkak që një shtëpi në Berat të shkrumbohet pjesërisht.
Shtëpia në emër të 73- vjeçarit Jemin Kërbaci ka pësuar dëme të konsiderueshme materiale, por fatmirësisht nga zjarri nuk ka patur të lënduar.
Në momentin kur shtëpia u përfshi nga flakët brenda saj gjendeshin kryefamiljari, me nusen e djalit dhe nipin, të cilët mundën të dalin në kohë.
Ndërsa 73-vjeçari u nxor nga forcat zjarrfikëse, pasi zjarri përfshiu banesën.
Pas ndërhyrjes, flakët u vunë nën kontroll dhe në një kohë të shkurtër është bërë edhe fikja e plotë e tyre.
