Digjet automjeti në Velipojë, dyshimet e para

Një automjet është shkrumbuar mëngjesin e kësaj të premteje në Velipojë. Policia njofton se automjeti tip “Volkswagen”, është përfshirë nga flakët dhe është djegur në pjesën e përparme.

Nga përhapja e flakëve është djegur pjesërisht edhe një automjet tjetër që ishte parkuar përpara automjetit tip “Volkswagen”, në pronësi të një shtetasi tjetër.  Nga të dhënat e para dyshohet se shkak është bërë një shkëndijë elektrike.

Shërbimet e Policisë dhe të zjarrfikëses kanë shkuar menjëherë në vendin e ngjarjes. Grupi hetimor vijon punën për përcaktimin e shkakut të rënies së zjarrit.