Diddy thyen rregullat edhe në burg, prokurorët ngrenë akuza të reja

Akuza të reja po dalin në dritë ndaj Diddy.

Prokurorët që trajtonin çështjen e tij ngritën një padi të re kundër tij, duke kërkuar që oferta e tij e katërt për lirim me kusht të refuzohej.

Në dokumentet e gjykatës, autoritetet pretendojnë se i pandehuri u përpoq të pengonte hetimin dhe të ndikonte në mënyrë të paligjshme në gjykimin e tij.

Sipas dokumenteve, Diddy ka përdorur pajisje telefonike që i përkisnin të burgosurve të tjerë dhe nëpërmjet tyre dyshohet se ka bërë “qindra” telefonata dhe ka dërguar mesazhe, në kundërshtim me rregullat e burgut.

Sean ‘Diddy’ Combs accused of breaking jail rules to ‘corruptly influence’ witnesses, jurors: docs https://t.co/0ZEfgMahIs pic.twitter.com/aZOkg4eTpp

— Page Six (@PageSix) November 16, 2024

Prokurorët gjithashtu pretendojnë se ai pagoi të burgosur të tjerë përmes ndërmjetësve për të hyrë në pajisjet e tyre.

Dokumentet gjithashtu theksojnë se Diddy, gjatë ndalimit të tij, “përpjekje të shmangte përgjimin nga autoritetet, të ndikojë në mënyrë korruptive në deklaratat e dëshmitarëve dhe të minojë integritetin e procedurave”.

Në veçanti, akuzat përfshijnë krijimin e një fushate në mediat sociale me qëllim, sipas fjalëve të tij, për të ndikuar në përzgjedhjen e anëtarëve të jurisë dhe për të nxjerrë materiale që ai e konsideron të dobishëm për mbrojtjen e tij.

Prokurorët thonë gjithashtu se Diddy kontaktoi dëshmitarët përmes palëve të treta, gjë që forcon akuzën për shkeljen e kushteve të paraburgimit të tij. Deri më tani, Diddy dhe avokatët e tij nuk kanë komentuar publikisht mbi akuzat e reja./vizionplus.tv