Gjykata e Dibrës vendosi masën e sigurisë “arrest shtëpie” për mësuesin 63-vjeçar Agim Muça, i cili pak ditë më parë u arrestua per dhune ndaj 12 nxënësve të mitur te shkollës “Orzhanov” në fshatin Ostren të Bulqizës. Gjatë seancës, Muça nuk ka pranuar akuzat dhe e ka cilësuar ngjarjen si të përgatitur nga persona të tjerë, qe sipas tij, përpiqen ta largojnë nga puna. Sipas dëshmisë së dhënë para togave të zeza, Agim Muça është shprehur se nxënësit, të cilët kanë deklaruar në media se janë dhunuar prej tij, nuk janë të asaj shkolle. Me vendim Gjykate, Muça është liruar dhe do te hetohet tashme nen masën e arrestit te shtëpisë.
Dibër, lirohet mësuesi dhunues
