Partia Demokratike thotë se për 8 vjet, mbi 3500 banorë të njësisë administrative Gurrë, në qarkun e Dibrës nuk kanë marrë as edhe një investim nga qeveria. Shumë prej tyre u takuan me kandidaten e PD,
Dhurata Çupi, kandidate e PD në këtë qark bisedoi me ta duke u njohur edhe me shqetësimet që ata kanë.
Sipas selisë blu, rrruga në gjendje të mjeruar, i pengon të nxjerrin prodhimet në treg dhe të krijojnë të ardhura për të jetuar më mirë.
Në fshatrat Gurrë e Madhe, Mishtër, Dom, dhe Shulbater zonja Çupi u takua me shumë burra e gra, që ndihen të braktisur, të diskriminuar, të harruar nga kjo qeveri që nuk u ka dhënë asnjë dorë, por vetëm u ka marrë. Në këtë zonë ka akoma familje që jetojnë në çadër. Kryefamiljari i tha Dhurata Çupit se jeton në çadër prej nëntorit 2019, me fëmijë të vegjël dhe pa asnjë ndihmë, pasi askush nga përfaqësuesit e shtetit nuk jep një zgjidhje, thotë Pd në njoftimin e shpërndarë për mediat.
Dhurata Cupi tha se në 8 vjet qeveria ka dështuar në mbështetjen e fermereve dhe për shkak të kësaj qeverie, Dibra është sot një nga zonat me largimin më masiv të njerëzve.
Qarku i Dibrës është një nga zonat ku qeveria e PD do të investojë me prioritet për të ndalur shpopullimin dhe për të siguruar një jetë normale për banorët”- tha zonja Çupi, duke shprehur besim se shumica e banirëve të Dibrës do të votojnë PD dhe ndryshimin në 25 prill.
