Një 43-vjeçar është arrestuar në flagrancë nga specialistët e Seksionit për Hetimin e Krimeve në Komisariatin e Policisë Vlorë, pas dhunës fizike ndaj një punonjësi të Policisë Bashkiake gjatë ushtrimit të detyrës.
Ngjarja ndodhi sot, rreth orës 10:55, në rrugën “Mitaq Salati”, në lagjen “15 Tetori” të qytetit të Vlorës.
Sipas njoftimit zyrtar, 43-vjeçari reagoi me dhunë ndaj punonjësit të Policisë Bashkiake, S. N., 28 vjeç, pasi i ishte vendosur një masë administrative për parkim të gabuar të automjetit të tij.
“Specialistët e Seksionit për Hetimin e Krimeve në Komisariatin e Policisë Vlorë arrestuan në flagrancë për veprën penale “Goditja për shkak të detyrës” , shtetasin M. L., 43 vjeç, banues në Vlorë.
Sot, rreth orës 10:55, në rrugën “Mitaq Salati”, në lagjen “15 Tetori”, Vlorë, për shkak të vendosjes së një mase administrative ndaj automjetit të tij për parkim të gabuar, shtetasi M. L ka ushtruar dhunë fizike ndaj punonjësit të Policisë Bashkiake Vlorë, shtetasit S. N., 28 vjeç, banues në Vlorë.
Materialet procedurale iu referuan Prokurorisë Vlorë për veprën penale “Goditje për shkak të detyrës”, thuhet në njoftim.
/vizionplus.tv
