Dhunoi familjarët dhe kundërshtoi punonjësit e policisë, e pëson keq 46-vjeçari në Tiranë

Një 46-vjeçar është vënë në prangat e Policisë së Tiranës, pas marrjes së njoftimit se  ka ushtruar dhunë ndaj familjarëve dhe mbante armë zjarri në banesë.

U arrestua R. D., 46 vjeç, banues në Lanabregas, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Dhuna në familje” dhe “Kundërshtimi i punonjësit të policisë së rendit publik”.

Ky shtetas ka ushtruar dhunë ndaj familjarëve dhe gjatë kontrollit të banesës iu gjetën dhe sekuestruan në cilësinë e provës materiale një armë zjarri pistoletë dhe një krehër me municion luftarak. Gjithashtu, gjatë kontrollit të banesës dhe gjatë shoqërimit, ka kundërshtuar punonjësit e policisë për kryerjen e detyrës.