Një ngjarje e rëndë ka ndodhur mbrëmjen e kësaj të enjteje në Tiranë ku disa persona kanë dhunuar një efektiv policie.
Burime jozyrtare bëjnë me dije për Vizion Plus se ngjarja ka ndodhur tek Shkolla e Bashkuar, ku dy automjete, njëra prej të cilave me ngjyrë gri dhe tjetra e kuqe, kanë ndaluar efektivin I cili po ecte me motor, dhe pas një debati shoferi ka goditur efektivin.
Më pas kanë zbritur nga automjeti me ngjyrë të kyqe, tre persona të tjerë të cilët po ashtu kanë ushtruar dhunë ndaj efektivit.
Efektivi mësohet se nuk u është kundërpërgjigjur agresorëve, I cili pas largimit të tyre I ka hipur motorit edhe është larguar. Skena e dhunimit të efektivit është parë nga qytetarë të shumtë, të cilët janë tromaksur nga ngjarja.
Deri më tani nuk ka asnjë reagim nga ana e uniformave blu në lidhje me ngjarjen si dhe mbi agresorët e efektivit. Pritet qe policia te jap detaje ne lidhje me ngjarjen si dhe motivin e sulmit.
