Avokati Kujtim Cakrani, i njohur si përfaqësues ligjor i ish-presidentit Ilir Meta, është paraqitur në spitalin e Vlorës pas një konflikti të ndodhur në një pikë karburanti në qytet.
Sipas burimeve brenda Policisë së Vlorës, Cakrani dyshohet se është përfshirë në një përplasje me disa persona, teksa ndodhej brenda automjetit të tij. Ai ka marrë disa plagë, ndërsa ende nuk dihen rrethanat e sakta dhe motivet e ngjarjes.
Burime jozyrtare bëjnë me dije se konflikti mund të lidhet me ushtrimin e detyrës së tij si avokat dhe me çështje të mëparshme që ai ka mbrojtur, por një pistë e tillë mbetet ende e pakonfirmuar nga autoritetet.
Avokati ka marrë ndihmën e nevojshme mjekësore dhe ndodhet jashtë rrezikut për jetën. Policia po vijon hetimet për të zbardhur plotësisht ngjarjen dhe për të identifikuar personat e përfshirë.
/vizionplus.tv
