Dhunë në protestën e opozitës në Kosovë

Përshkallëzon në dhunë protesta e opozitës në Prishtinë. Ndërsa tubimi i thirrur nga Vetëvendosje, AAK dhe Nisma po shkonte drejt fundit, qindra qytetarë janë mbledhur jashtë kangjellave të kryeministrisë, duke hedhur bomba molotov dhe gur në drejtim të selisë. Ndërsa ndërtesa qeveritarë është përfshire nga flakët, efektivët e policisë kanë marrë urdhër për të ndërhyre. Ata kanë hedhur gaz lotsjellës duke mundësuar largimin e turmës nga godina qeveritare. Përplasjet dhe fizike mes demonstruesve dhe policisë kanë vijuar dhe në rrugët dytësore të kryeqytetit. Goditjeve të protestueseve me gurë dhe fishekzjarrë, uniformat blu i janë përgjigjur me gaze dhe me ujë me presion. Nga përplasja janë lënduar rreth 40 vetë, mes të cilëve 24 tubues, 10 policë dhe 3 gazetare. Efektivët arrestuan dhjetëra protestues, ata që kanë qenë më të dhunshëm. Në konferencën për shtyp, zëdhënësi i policisë së Kosovës Baki Kelani, njoftoi se në këtë demonstrate morën pjesë 8 mijë protestues, ndërsa Vetëvendosje tha se ne shesh ishin 100 mije vete. Kjo ishte protesta e pare e opozitës në këtë fillimvit, ndërsa opozita ka paralajmëruar se ato nuk do te ndalen deri ne largimin e qeverise. Këtë mesazh ata e përcollën dhe gjate deklaratave te tyre ne proteste. Gjate ditës se sotme, Prishtina ishte e blinduar nga policet. Ata kryen disa kontrolle mes te cilave dhe shtëpinë e deputetit te Vetëvendosjes Albin Kurti, qe ndodhet ne arrest shtëpie.