Dhunë në parlamentin turk

Këto skena janë bere te zakonshme ne parlamentin turk, ku ligjvënës te partisë ne pushtet AK dhe te partisë opozitare prokurde HDP përleshen mes tyre. Incidenti ka ndodhur ndërsa zhvillohej mbledhja e nje komisioni per ndryshimet kushtetuese, mbi planin per heqjen e imunitetit te deputeteve. Kjo lëvizje i hap rruge hetimit te tyre. Debati degjeneroi ne përplasje fizike me grushta e shkelma dhe hedhjen e ujit ndaj njeri-tjetrit. Disa deputete pësuan lëndime ne trup. Partia Demokratike e Popullit nga radhët e opozitës akuzoi qeverinë se me ketë projektligj synon te luftoje disidentet. Presidenti Erdogan ka kërkuar ndjekje penale per disa pjesëtare te kësaj force, qe e cilëson zgjatim te partisë se punëtoreve te Kurdistanit. Por pavarësisht përplasjeve, Komisioni miratoi projektligjin për heqjen e imunitetit te deputeteve. Drafti pritet te miratohet edhe nga parlamenti turk.