Në protestën e opozitës këtë të shtunë nga dhuna që ndodhi para godinës së kuvendit, janë lënduar disa persona mes tyre disa punonjës të policisë.
Informacionet bëjnë me dije se drejtori i Përgjithshëm i Policisë së Shtetit, Ardi Veliu vizitoi në spitalin ushtarak punonjësit e Policisë të cilët u lënduan, gjatë dhunës së ushtruar nga turma duke qëlluar me gurë, sende të forta dhe lëndë piroteknike.
Veliu është interesuar te mjekët për shëndetin e punonjësve të Policisë dhe u ka uruar atyre shërim të shpejtë.
Ndërkohë pas vizitës së efektivëve të plagosur Drejtori i Përgjithshëm ka takuar në ambientet e jashtme të spitalit edhe një pjesë të kolegëve të punonjësve të lënduar, duke i falënderuar për gjakftohtësinë, seriozitetin dhe profesionalizmin e treguar gjatë protestës së sotme.