Dhuna në familje vazhdon të mbetet me tregues që shqetësojnë, me 106 raste gjatë këtij viti sipas të dhënave zyrtare nga bashkia Korçë, se një më pak se viti 2017 kur fenomeni nisi të trajtohej si problematik.
Të hënën u mblodh takimi I fundit për këtë vit i komitetit drejtues kundër dhunës në familje me praninë e titullarëve të bashkisë, gjykatës, prokurorisë dhe përfaqsues nga zyra e punës, përmbarimi e shërbimet sociale.
Kryetari I bashkisë Sotiraq Filo, tha se në bashkëpunim me fondacionin Kenedi dhe PNUD kanë bërë të mundur ngritjen e një strehëze ku janë vendosur 6 gra të mbijetuara nga dhuna së bashku me fëmijët.
Ai njoftoi se për vitin e ardhëshëm është aprovuar një fond prej 430 mijë lekë të reja për viktimat e dhunës në familje.
Nga bonusi I strehimit, gjithashtu kanë përfituar banesa 8 gra kryefamiljare, dhe ndihma në këtë drejtim nuk do të mungojë.
Për vitet 2018-2020 ka një plan veprimi me 55 aktivitete të ndryshme kundër dhunës në familje.
Filo tha se është e nevojshme shtrirja e fushatës sensibilizuese edhe në zonat rurale dhe fuqizimi I mekanizmave parandaluese apo mbrojtëse të dhunës në familje te këto zona.
Madje shikohet si e nevojshme edhe shërbimi I rehabilitimit apo trajtimit të dhunuese që aktualisht mungon, siç mungon në Korçë edhe një qendër rehabilitimi e përdoruesve të alkoolit dhe drogës të cilët rezultojnë ushtruesit më të shumtë të dhunës në familje.
