Një e-mail drejtuar kryeministrit Edi Rama dhe institucioneve përgjegjëse për ndërtimin e portit të Porto Romanos, kërkohet rishikimi i projektit, duke e cilësuar vendimin e planifikuar për 9 mars si një moment strategjik për të ardhmen ekonomike të Shqipërisë.
Autori i letrës, Grant Van Cleve nga kompania TECNAL, njëkohësisht kryetar i Dhomës Amerikane të Tregtisë, thotë se projekti aktual është shumë i vogël dhe nuk mund të mbështesë zhvillimin e korridorit VIII, duke rrezikuar që transporti rajonal të vazhdojë të kalojë përmes porteve të pireut dhe Selanikut.
Në letër propozohet që tenderi të shtyhet dhe projekti të zgjerohet në një port më të madh strategjik, të lidhur me korridorin VIII, i cili sipas autorit do ta vendoste Shqipërinë në qendër të rrjeteve të transportit në rajon dhe do të kishte rëndësi edhe për NATO-n.
