60 protestues janë proceduar nga policia e Tiranës pas protestës së opozitës ku nuk munguan dhe episodet e dhunës.
Mësohet se 42 prej tyre janë arrestuar ndërsa pjesa tjetër jane proceduar ne gjendje te lire.
Të paktën 10 efektivë të policisë kanë marrë lëndime prej mjeteve të forta dhe piroteknike të hedhura në drejtim të tyre nga protestuesit mbrëmjen e të dielës.
Po ashtu gjatë përplasjeve me policinë, kanë mbetur të plagosur edhe katër protestues.
Policia ka njoftuar gjithashtu se ka proceduar në gjendje të lirë për veprën penale “Organizimi dhe pjesëmarrja në grumbullime e manifestime të paligjshme” edhe sekretarin e Përgjithshëm të PD, Gazment Bardhin.
