Kryeministri Edi Rama ka folur për mediat pas mbledhjes me drejtuesit e qarqeve në selinë e PS.
Ai u ndal edhe te zhvillimet në lidhje me ishullin e Sazanit, ku pritet të investojë dhëndri i Donald Trump, Jared Kushner.
Lexo edhe :
Related Posts
Rama tha se plani për transformimin e Sazanit ka qenë që nga qeveritë e mëparshme, teksa shtoi se projekti do të çohet para nëse përputhet me vizionin për ishullin.
“Ne nuk zgjedhim persona, ne në bazë të legjislacionit shqiptar, i referohemi ofertave dhe propozimeve që na bëhen. Transforimi i Sazanit në një xhevahir të kurorës së artë të turizmit Mesdhetar, është ambicie e kahershme. Për hir të së vërtetës e kanë pasur ambicie dhe qeveri paraardhëse. Më parë ishte e paimagjinueshme që të afroheshin investitorë të fuqishëm. Ne jemi absolutisht që kemi një propozim. Propozimi nuk është ende në procesin e domosdoshëm ku duhet të kalojnë disa shkallë. Është bërë një aplikim në projektin AIDA. Nëse projekti përputhet me vizionin tonë dhe nëse projekti i plotëson kushtet dhe përputhet me vizionin për këtë zonë, atëherë do të çohet para”, tha ai. /vizionplus.tv
