Kanë dalë detaje tronditëse pas arrestimit të mjekut 42-vjeçar, Dervish Hasi, i cili iu arrestua ditën e sotme me akuzën e shfrytëzimit të një 16-vjeçareje si prostitutë.
Burime për gazetarin e Vizion Plus, Esido Barkaj, bëjnë me dije se telefonin e 42-vjeçarit janë gjetur video me përmbajtje erotike. Ai organizonte marrëdhënie seksuale në grup dhe këto i shpërndante më pas në një chat me persona të tjerë.
Lexo edhe :
Related Posts
Të njëjta konfirmojnë se 42-vjeçari bashkë me 3 persona të tjerë kishin hapur një “chat’ ku shkëmbenin videot erotike me njëri-tjetrin.
42-vjeçari Dervish Hasi akuzohet se nën premtimin e mashtrimit se do ta merrte për grua, ai kishte shfrytëzuar 16-vjeçaren si prostitutë.
Ai e kishte marrë adoleshenten që në moshën 14-vjeçare, dhe prej dy vitesh e shfrytëzonte duke i lënë takime në banesën e tij.
Njoftimi i policisë:
Dyshohet se shfrytëzoi një shtetase të mitur, për prostitucion, për një periudhë 2-vjeçare, kapet dhe vihet në pranga 42-vjeçari.
Shërbimet e Komisariatit të Policisë Nr. 1, pas kallëzimit të depozituar në komisariat, se një e mitur shfrytëzohej nga një shtetas, për prostitucion, menjëherë kanë organizuar punën për dokumentimin ligjor të rastit në fjalë dhe vënien e autorit përpara përgjegjësisë penale.
Në vijim të veprimeve hetimore të kryera për këtë rast, specialistët për Hetimin e Krimeve të Komisariatit të Policisë Nr. 1 arrestuan shtetasin D. H., 42 vjeç, banues në Tiranë“, njoftoi policia për rastin në fjalë.
Hasi i dyshuar dhe për krime të tjera
Hasi është një person i njohur për policinë. Me profesion mjek, ai ka qenë edhe i hetuar nga SPAK.
Prokuroria e Posaçme kishte dyshime se mjeku ishte i përfshirë në grupin që furnizonte me tritol dhe armëve snajper kriminelët brenda dhe jashtë vendit.
Ishte dëshmia e Enver Jamakut, i penduar i drejtësisë që nxori emrin e tij në pah. Madje mjetit të tij më herët i vendosën edhe tritol.
/Vizionplus.tv/
