Zbulohen detaje të reja nga shpërthimi me tritol në automjetin e Oltjon Klosi, i ndodhur më 10 mars në Tiranë. Autoritetet kanë arrestuar shtatë persona të dyshuar për përfshirje në këtë ngjarje kriminale.
Sipas hetimeve, porosia për vendosjen e eksplozivit është dhënë nga Sabah Nuzi, i cili ndodhet aktualisht në burg për vepra të rënda penale. Fillimisht u dyshua për një konflikt mes tij dhe Klosit për një borxh prej 15 mijë eurosh, por hetimet zbuluan se Nuzi nuk kishte njohje personale me viktimën dhe kishte vepruar për llogari të personave të tjerë, identiteti i të cilëve mbetet ende i paqartë.
Lexo edhe :
Personi që ka vendosur lëndën plasëse në automjet rezulton të jetë Jurgen Gjonaj. Ai ka pranuar se e kreu atentatin për të shlyer një borxh prej rreth 15 mijë eurosh ndaj Nuzit, borxh i krijuar pas humbjes së një sasie droge në Gjermani.
Ngjarja u zbardh falë një detaji kyç në hetim: autorët kishin përdorur një biçikletë të vjedhur nga Kristjan Ahmerama. Pas shpërthimit, biçikleta u fsheh në zonën e Laprakës, dhe nga ndjekja e Ahmeramajt, policia arriti të identifikojë edhe pjesëtarët e tjerë të grupit.
Fillimisht të arrestuarit refuzuan të japin deklarime, por më pas kanë pranuar përfshirjen e tyre në ngjarje. Hetimet vijojnë për identifikimin e personave të tjerë që qëndrojnë pas porosisë së atentatit.
/vizionplus.tv
