Tre muaj pas zgjedhjeve parlamentare të 9 shkurtit, situata politike në Kosovë mbetet në udhqkryq.
Seanca e 13 rradhazi për konstituimin e Kuvendit që u mbajt këtë të premte dështoi me të gjitha palët që vijojnë me qëndrimet e tyre të pandryshuara.
Sikurse në seancat e fundit, edhe këtë herë kryesuesi i seancës Avni Dehari, kërkoi formimin e një komisioni për mbikëqyrjen e votimit të fshehtë për kryeparlamentar.
Propozimi nuk i mori votat e mjaftueshme dhe seanca u ndërpre për të vazhduar pas dy ditëve, të dielën në mëngjes.
Lëvizja Vetëvendosje bën me faj opozitën për bllokimin e procesit.
Ndërsa partitë e tjera kërkojnë nga Vetëvendosje të ndërrojnë emrin e Albulena Haxhiut me një porpozim konsensual për kryetar të Kuvendit.
Ndërkohë, paralelsisht vijojnë edhe diskutimet për ndonjë marrëveshje politike mes palëve megjithëse edhe një gjë e tillë deri më tani duket e vështirë.
Lidhja Demokratike e Kosovës, e cila doli e treta në zgjedhje ka refuzuar ftesën për bashkëqeverisje të Lëvizjes Vetëvendosje, në vend të kësaj ka kërkuar formimin e një qeverie tranzitore.
I hapur mbetet gjithashtu edhe oposioni që vendi të shkojë sërish në zgjedhje./vizionplus.tv
