Ka përfunduar pa një marrëveshje konkrete takimi i radhës i nivelit të lartë mes presidentit të Kosovës Hashim Thaçi dhe atij të Serbisë Aleksandër Vuçiç në Bruksel, me ndermjetësimin e zyrtares së lartë të Bashkimit Europian, Federica Mogherini.
Thaçi, tha pas takimit se diskursi i presidentit dhe delegacionit serb ishte agresiv dhe arrogant, ndërsa Kosova u shpreh qartë për arritjen e një marrëveshjeje të balancuar.
Nga ana tjetër, kreu i shtetit serb, tha se Beogradi është i gatshëm për dialog, por nëse pala kosovare nuk formon asociacionin dhe nuk përmbush detyrat e saj, atëherë Serbia nuk e respekton marrëveshjen e Brukselit.
Vuçiç tha më tej se nuk eshte folur me homologun e tij për shkëmbim territoresh.
