Një atentat ndaj presidentit turk, Recep Tayyip Erdoğan, u parandalua nga inteligjenca turke këtë të shtunë.
Lënda shpërthyese e vendosur nën makinën private të parkuar të një punonjësi policie që shoqëronte eskortën e Erdogan, është vënë re në momentin e fundit, pak para takimit të sotëm të liderit turk në Siirt.
Eksplozivi është shkatërruar nga ekipet e asgjësimit të bombave, ndërsa autoritetet kanë nisur punën për kapjen e të dyshuarve.
Ekipet e hetimit të vendit të krimit skanuan pajisjen dhe automjetin për gjurmët e gishtërinjve tek të dyshuarit.
Ndërkohë, deri tani asnjë reagim nuk ka ardhur nga presidenti Erdogan.
