Kështu zhvillohen një orë mësimore online nëpërmjet platformave virtuale.
Mësimi i kombinuar e ka ndarë javën në dy pjesë, duke alternuar nxënësit mes prezencës në bankat e shkollës dhe pjesëmarrjes online nga shtëpia.
Vështirësitë kryesore lidhen me problemet teknike që hasen gjatë procesit ne distance. Por mësuesit e pranojnë se orët virtuale nuk mund të zëvendësojnë prezencën fizike.
Edhe drejtuesit e shkollave shprehen se përballja me këtë metodë të re mësimdhënie në distance ka disa problematika.
Klasat e fillores dhe matura janë të përjashtuar nga mësimi online. Ndërkaq procesi i kombinuar do të vazhdojë deri në një vendim të dytë nga komiteti i ekspertëve në varësi të situatës së pandemisë.
