Një komedi që gërsheton konfliktet e brezave, në një realitet tërësisht shqiptar, u ngjit në skenën e teatrit “Petro Marko” në Vlorë.
Shfaqja “Dëshira e tretë” e dramaturgut vlonjat Ferdinand Hysi, nëpërmjet humorit të situatave dhe batutave përcolli idenë se konfliktet e brendshme nuk të çojnë askund.
ROLAND MINGA
REGJISOR
“Kombinimi aktorial i brezave është dhe suksesi i shfaqjes që përçon mesazhin se asnjë mrekulli apo magji nuk mund të zgjidhë hallet e shoqërisë,nëse zgjidhja nuk gjenerohet nga toleranca,ndërveprimi dhe pranimi i ekzistencës së njëri-tjetrit,mesazh dhe i aktualitetit tonë sot.”
Për aktoren Eljona Thomaraj shfaqja foli shqip për hallet e familjeve,ku spektatori gjeti veten.
ELJONA THOMARAJ
AKTORE
“Publiku ka nevojë që teatri të flasë shqip, përmes konflikteve që gjendjen në familjet tona. Spektatori gjeti veten prandaj edhe u përfshi tërësisht në këtë komedi. ”
Komedia “Dëshira e tretë”ka çelur kështu sezonin e ri për trupën e teatrit të Vlorës.
